عمى محمد
عمى محمد راجل طيب
بيداوينا كتير ويطيب
لو غلطنا او بعدنا او عاندنا
نلا قيها حاضنا ومنا قريب
عمى محمد راجل طيب
عمى حسنى
عمى حسنى انسان وزوق
معاه بنحلم نبقي فوق وفوق
ولو غلطنا او بعدنا او عاندنا
ببقالنا الامل ووسط العتمه الشروق
عمى حسنى انسان وزوق
عمى مبارك
عمى مبارك لينا بيشارك
واكم حارب علشنا معارك
ولو غلطنا او بعدنا او عاندنا
ببقالنا ليله قدر فى شهر مبارك
عمى مبارك لينا بيشارك
شوفتوا قد ايه الراجل ابن حلال
بس فيه شعب تايه فى الضلال
ناس ان الراجل متحملنا سنيين
وشيل همومنا واحنا بيه موش حاسين
ايه يعنى حواليه ضلاليه وفاسدين
ولا ناس مرتشيه ومعدومين دين
ولا ناس بتسرق موش الوف لا ملايين
ولا ما يعرفش اننا شعب فقر وجعانيين
العيب والله ما فيه هوه ده نسينا من سنيين
العيب فينا احنا اللى بقينا بالهم راضيين
والله والله والله ما يرضي ربنا اننا نهون
ولا نسلم مصيرنا لناس تحوم حواليها الظنون
اصحوا بقوا وفوقوا قبل فوات الاوان
ولا اقولوكوا ناموا وكان اللى جري ما كان
داحنا بقينا عبره وحكايه لكل زمان
استكانه وضعف ظاهر ولا حد طاهر فى المكان
ادعوا ربنا وارفعوا ايديكم بكل ان
يمكن ياخدكم ويريح منكم الحكام والمكان
الأربعاء يونيو 11, 2008 8:22 pm
